Білім және ғылым саласындағы бақылау комитеті -

Сұрақтар 31 to 35 out of 46

шолпан табиева

17-11-09 10:41

2010 жылы МАБ 4 және 9 сыныптарда қай пәннен болады?

Жауап:

Орта білім беру ұйымдарында МАБ білім беру қызметтерінің сапасын бағалау және бастауыш пен негізгі орта білім берудің жалпы білім беретін оқу бағдарламаларын білім алушылардың меңгеру деңгейін анықтау мақсатында жүзеге асырылады.
9-сыныптарда МАБ рәсімдеріне орыс тілінде оқытатын мектептердің оқушылары үшін - қазақ тілі, қазақ тілінде оқытатын мектептердің оқушылары үшін – орыс тілі және шет тілінің біреуі міндетті түрде енгізіледі.
МАБ өткізілетін басқа да оқу пәндерінің тізбесін жыл сайын Министрлік белгілейді.
Тапсырмалар жалпы білім беретін оқу бағдарламаларының негізінде әзірленеді, олардың мазмұны аталған бағдарламалардың шеңберінен шықпайды.
МАБ-тың міндеттері білім алушылардың оқу жетістіктерін бағалауды жүзеге асыру, оқу процесін ұйымдастырудың тиімділігін бағалау және білім беру ұйымдары көрсететін білім беру қызметінің сапасына салыстырмалы талдау болып табылатындықтан, белгіленген пәндер туралы мәлімет алдынала жарияланбайды.

Жырау

01-11-09 13:45

Сәлеметсіз бе, сіздерден сұрайын дегенім 2010 жылғы ҰБТ-де орыс тілі пәнінің балы санала ма?және, егер орыс тілін білмейтін бұрын оралман болып, бірақ қазір азаматтық алған азаматтарға жеңілдіктер болама?

Жауап:

Ұлттық бірыңғай тестілеу (бұдан әрі-ҰБТ) – республиканың мектеп бітірушілері үшін орта білім туралы аттестат алу мен жоғары оқу орындарына және колледждерге түсуді біріктіретін рәсім. «Тілдер туралы» ҚР заңына сәйкес орыс тілінде оқытатын мектептер үшін мемлекеттік тіл және қазақ тілінде оқытатын мектептер үшін орыс тілі аттестат алу үшін міндетті пән болып табылады. Сондықтан, ҚР «Білім туралы» заңына сәйкес мемлекеттік тіл мен орыс тілі ҰБТ бағдарламасының негізгі пәндері болып табылады. Жоғары оқу орындарына (бұдан әрі-ЖОО) түсу үшін типтік ережеге сәйкес кешенді тестілеу пәндері: оқыту тілі, Қазақстан тарихы, математика, таңдау бойынша пән. Талапкерлерді кешенді тестілеуге (бұдан әрі-ТКТ) ұйғыр, өзбек, тәжік мектептерін бітірушілер, мектепті бұрын бітіргендер, шетелдік азаматтар, шетелдерде тұратын қазақ диаспорасы өкілдері қатысады. Ресейде білім алған қазақ диаспорасы қазақ тілін оқымайды, сондай-ақ Монғолия, Қытай, Түркия, т.б. мемлекеттерде тұрып жатқан қазақ диаспоралары орыс тілін білмейді. Жоғарғы оқу орындарына түсу реті бүкіліне бірдей болу керек. Сондықтан, Республиканың ЖОО-сына түсушілер бірдей жағдайда болу үшін ҰБТ мен ТКТ-ның 4 пәнінің нәтижесі ғана есепке алынады.

Вазира Резаева

27-04-09 16:35

Мен Өзбекстанда 1986-1992 жылда Ташкент қаласында оқып пединститутты бітірдім
Дипломым орыс және өзбек тілінде кириллица алфавитымен жазылған Дипломның мөрі бұрынғы СССРдікі Менің дипломымды нострификациялау қажетпе?

Жауап:

ТМД-ға қатысушы мемлекеттердің 1992 жылғы 15 мамырдағы «Білім саласындағы ынтымақтастық туралы» келісімнің негізінде осы кезеңге дейінгі ТМД елдерінің білім туралы құжаттары автоматты түрде танылады. Сондықтан Сіздің Ташкент пединститутын бітіргеніңіз жөніндегі дипломыңыз да жоғарыда аталған Келісімге байланысты танылуы тиіс.

Жанаргул Рзаева

24-02-09 21:13

МАБ-ты өткізу үшін әрбір тестілеу пәніне 45 минут (жауап парағының қызмет жолдарын толтыруға жұмсалатын уақытты есептемегенде), 9-сыныптар үшін 2 сағат 15 минут беріледі.-деп жазылған. Осы жерде жауап парағын неге есепке алмаған? Біз ертен жауап парағымен белгілегенде белгілеуге уақыт кетіп қалады, уақытты ұзартуға болмай ма екен?

Жауап:

МАБ-ты өткізу кезінде әрбір тестілеу пәніне 45 минут тек қана сұрақтарға жауап беруге арналады. Бұл уақыттың ішіне жауап парағының қызметтік секторларын (оқушының аты-жөні, жынысы, туған жылы, ұлты, мектептін мекен-жайы, нұсқаның нөмірі) толтыру кірмейді. 4 сыныптар үшін 20 сұраққа - 45 минут уақыт, 9 сыныптар үшін 90 сұраққа - 2 сағат 15 минут уақыт тестілеуді өткізу әдістемесіне сәйкес берілген. МАБ-ты өткізу тәжірибесі көрсеткендей, бұл бөлінген уақыт оқушыларға толығымен жетеді.

Гүлмира Әбенова

18-02-09 20:58

Ғылым кандидаты атағын алу үшін диссертоция қорғау уақыты 2010 жылдан 2012 жылға дейін ұзартылды деген хабарды естігенмін. Сол шындыққа қаншалықты сай екендігін білгім келеді?

Жауап:

Жоқ, ондай шешім қабылданбаған. Барлық диссертациялық кеңестердің өкілеттік мерзімдері 2010 жылғы 31 желтоқсанға дейін белгіленген.

Алды 2 3 4 5 6 7 8 9 10 Келесi