Каз | Рус

Іздеу  
  

 

 

Бастауыш   / Сұрақ-жауап 
Сұрақ-жауап

CAPTCHA image for SPAM prevention 
Сұрақтар 16 to 20 out of 46
 

Айнура Танкеева

30-01-10 17:35

Саламатсыздар ма? Мемлекеттік аралық бақылаудын 3 нұсқасын алдық рахмет, осы әр айдын қай күндері жанартып отырасыздар соны білгім келіп еді.Алдына ала рахмет!

Жауап:

Білім және ғылым саласындағы бақылау Комитетінің сайтына орналастырылған Мемлекеттік аралық бақылаудың тест үлгілері жаңартылмайды. Осы үлгіге қарап, тестте қамтылған тақырыптар бойынша дайындалуға көмек болу үшін беріліп отыр.

 

kamiljan ziyabekov

23-01-10 15:05

Саламатсызба 2010 жылда өзбек мектептеріндегі "алтын белгі"ге ұміткерлер ҰБТ тапсырадыма? алде КТ тапсырсада болама?

Жауап:

2010 жылы былтырғы 2009 жылғы ҰБТ-да сияқты «Алтын белгіге» үміткер ұйғыр, өзбек, тәжік мектептерінің бітірушілері ҰБТ-ны өз қалауларынша қазақ немесе орыс тілдерінде тапсырады, немесе — талапкерлердің кешенді тестілеуіне қатысады.

 

Жанель Ахметова

14-01-10 17:05

Неге ҰБТ-ның сұрақтарын алдын ала алуға болмайды, және қайда дайындалса болады???

Жауап:

Жалпы білім беретін мынадай пәндер бойынша: Қазақстан тарихы, қазақ, орыс, ағылшын, неміс, француз тілдері, қазақ тілінде оқытатын мектептердің оқушылары үшін – орыс тілі, орыс тілінде оқытатын мектептердің оқушылары үшін – қазақ тілі, қазақ және орыс әдебиеті, математика, физика, химия, биология, география және дүниежүзі тарихынан тест тапсырмалары бойынша қазақ және орыс тілдеріндегі оқу-әдістемелік құралдары 2010 жылғы 1 ақпаннан бастап барлық тестілеуді өткізу пункттерінде сатылатын болады. Бір оқу-әдістемелік құралының құны – 260 теңге.
Сонымен қатар, 2010 жылғы ұлттық бірыңғай тестілеудің тест тапсырмаларының үлгілері Қазақстан Республикасы Білім және ғылым министрлігінің www.edu.gov. kz. ресми сайтында жарияланатын болады.

 

Асел Кондыбай

13-01-10 11:36

Биылғы МАБ-та үшінші пән не болады? Қай уақытта болады екен? МАБ бағасы аттестатқа әсер ете ма?

Жауап:

МАБ білім беру қызметтерін көрсету сапасын бағалау және орта білім беретін ұйымдары білім алушыларының бастауыш және негізгі орта білім берудің білім беретін оқу бағдарламаларын меңгеру деңгейін айқындау мақсатында өткізіледі. МАБ қорытындысы бойынша баға қойылмайды, аттестатқа әсері жоқ.
9 сыныптарда МАБ рәсімдеріне орыс тілінде оқытатын мектептердің оқушылары үшін - қазақ тілі, қазақ тілінде оқытатын мектептердің оқушылары үшін – орыс тілі және шет тілінің біреуі міндетті түрде енгізіледі.
МАБ өткізілетін басқа да оқу пәндерінің тізбесін жыл сайын Министрлік белгілейді. Биылғы 2010 жылы үшінші пән болып Дүние жүзі тарихы белгіленді.
МАБ үш кезеңде өтеді: 1 – Қызылорда, Шымкент, Жамбыл, Алматы қаласы және облысы (15 ақпан); 2 – Атырау, Ақтөбе, Маңғыстау, Батыс Қазақстан облыстары және Астана қаласы (1 наурыз); 3 – Солтүстік, Шығыс Қазақстан облыстары, Павлодар, Ақмола, Қостанай және Қарағанды облыстары (15 наурыз).

 

Лаура Жамешова

13-01-10 11:01

2010 ж МАБ кай айда болады комек бериниздерши

Жауап:

МАБ үш кезеңде өтеді: 1 – Қызылорда, Шымкент, Жамбыл, Алматы қаласы және облысы (15 ақпан); 2 – Атырау, Ақтөбе, Маңғыстау, Батыс Қазақстан облыстары және Астана қаласы (1 наурыз); 3 – Солтүстік, Шығыс Қазақстан облыстары, Павлодар, Ақмола, Қостанай және Қарағанды облыстары (15 наурыз).

 
 
  

Байланыс ақпараты:
010000, Астана қаласы, Есіл өзенінің  сол жағалауы, N35 көше, N8  үй (Министрліктер үйі)
Телефон: +7 7172 74-23-49 Факс: +7 7172 74-23-49, +7 7172 50-63-91,  E-mail: mailbox@www.educontrol.kz