Каз | Рус

Іздеу  
  

 

 

Бастауыш   / Мемлекеттік аралық бақылау   / 2010 ж.27 желтоқсандағы N 580 ҚР БҒМ бұйрығы 
2010 ж.27 желтоқсандағы N 580 ҚР БҒМ бұйрығы

580

27 желтоқсан 2010 жыл


О мерах по подготовке и проведению

Жалпы орта білім беру

ұйымдарында мемлекеттік

аралық бақылауды дайындау және

өткізу жөніндегі шаралар туралы


Қазақстан Республикасының жалпы орта білім беру ұйымдарында мемлекеттік аралық бақылауды ұйымдасқан түрде өткізу мақсатында БҰЙЫРАМЫН:

1. Білім және ғылым саласындағы бақылау комитеті (бұдан әрі - Комитет) (М. Байжұманов) 2011 жылғы 20 қаңтарға дейін:

1) мемлекеттік аралық бақылауды (бұдан әрі – МАБ) өткізу жөніндегі Қазақстан Республикасы Білім және ғылым министрлігінің уәкілетті өкілдерінің базасын қалыптастырсын;

2) республиканың өңірлері бойынша МАБ-ты өткізу кестесін жасасын;

3) Мектепке дейінгі және орта білім департаментімен (Б. Кәрімжанов) және Ұлттық тестілеу орталығымен (Қ. Әбдиев) бірлесе отырып, МАБ-ты өткізу үшін 4 және 9-сыныптарда 90 % мектептерді іріктеуді жүзеге асырсын.

2. Ұлттық тестілеу орталығы (Қ. Әбдиев) 2011 жылғы 20 қаңтарға дейін:

1) жалпы орта білім беру ұйымдарында МАБ-ты өткізудің тәртібін Комитетпен келіссін;

2) МАБ-ты өткізу үшін 4-сыныптарға «Математика» пәні бойынша, 9-сыныптарда қазақ тілінде оқытатын мектептердің оқушылары үшін – «Орыс тілі», орыс тілінде оқытатын мектептердің оқушылары үшін – «Қазақ тілі», шет тілдерінің біреуі (ағылшын, неміс, француз) және «Математика» пәндері бойынша жабық үлгідегі тест тапсырмаларының базасын қалыптастырсын және оларды сынақтан өткізсін;

3) Білім және ғылым министрлігінің сайтына 4, 9-сыныптарда МАБ өткізілетін пәндер бойынша тест тапсырмаларының үлгі нұсқаларын орналастырсын.

3. Осы бұйрықтың орындалуын бақылау Комитет төрағасының міндетін атқарушы М. Байжұмановқа жүктелсін.


Министр                                                      Б. Жұмағұлов

  

Байланыс ақпараты:
010000, Астана қаласы, Есіл өзенінің  сол жағалауы, N35 көше, N8  үй (Министрліктер үйі)