Мәжіліске Қазақстан Республикасынан Ы. Алтынсарин атындағы Ұлттық білім академиясының президенті — Такир Оспанұлы Балықбаев қатысты.
    Мәжіліс «Жоғары мектеп республикалық институты» мемлекеттік жоғары мектеп білім мекемесінің нормативтік-әдістемелік орталығының директоры И.В. Титовичтің төрағалық етуімен өтті.
Жұмыс тобы күн тәртібіне енгізілген 3 маңызды мәселені қарастырды. Оның ішінде: ТМД  мүше-мемлекеттерінің жоғары кәсіптік білім туралы құжаттарды өзара тану туралы Келісім; ТМД  мүше-мемлекеттерінің жалпы орта білімін стандарттау саласындағы жұмыстарды сәйкестендіру туралы Келісім; жалпы білім кеңістігін әрі қарай дамытудың және 2010 жылдар аралығындағы ТМД мүше-мемлекеттерінің білім саласындағы ынтымақтастығы туралы шаралардың Жоспары.
Мәселелерді талқылау барысында  жалпы білім кеңістігін әрі қарай дамытудың және 2010 жылдар аралығындағы ТМД мүше-мемлекеттерінің білім саласындағы ынтымақтастығы туралы шаралар Жоспарының жобасы келісіліп, Достас өкімет-басшылары Кеңесінің мәжілісінде қарауға енгізу туралы шешім қабылданды. Сонымен қатар, мәжілісте Тараптардың пікірі ескеріле отырып,  ТМД  мүше-мемлекеттерінің жоғары кәсіптік білім туралы құжаттарды өзара тану туралы; ТМД  мүше-мемлекеттерінің жалпы орта білімін стандарттау саласындағы жұмыстарды сәйкестендіру туралы Келісімдердің жобасы мақұлданды.
Жалпы мәжіліске қатысушылар ТМД  мүше-мемлекеттерінің білім саласындағы ынтымақтастығын әрі қарай дамыту қажеттігі туралы шаралардың растығын мойындайтын келісімшартқа қол жеткізді.