Жаңалықтар

Ғылымның белесін бағындырғандар

28.12.2012

Комитеттің ағымдағы жылдың  21 желтоқсандағы бұйрығымен 6D072900 – Құрылыс мамандығы бойынша Л.Гумилев ат. Еуразия ұлттық университетінің докторанттары - Еңкебаев Серік Бейсенғалиұлы және Төлебекова Әсел Серікқызы философия (PhD) докторы ғылыми дәрежесінде бекітіліді.

PhD докторантурада  3 жыл оқу барысында  Төлебекова Әселдің 23, ал Еңкебаев Серіктің 19 ғылыми еңбектері жарияланды (қажетті нормасы 7). Әр біреуінің Томсон Рейтер базасының деректері бойынша нольдік емес импакт-факторы бар шетелдік ғылыми журналда жарияланған 1 мақаласы бар. Аталған докторанттар диссертацияларының материалдары шетелде  5 халықаралық конференцияларда баяндалған.

Ағымдағы жылы қауымдастырылған профессор ғылыми атағын алғандардың қатарында Астана ғалымдары да бар. Олардың біреуі – ғылым докторы, «Астана» Медицина университетінің кафедра меңгерушісі Кикимбаева Айсұлу Айтыкенқызы.

Кикимбаева А.А. биология ғылымдарының докторы,  қазақстандағы эндокринологтар ғылыми мектебінің өкілі. Астанадағы медициналық ЖОО-да 23 жыл үзіліссіз ғылыми-педагогтық қызмет атқарып келеді. Осы арада Айсұлу Айтыкенқызы 83 ғылыми еңбек жариялады, оның ішінде Томсон Рейтер деректер базасында жоғары импакт-факторы бар (8,89) танымал шетелдік журналдарда 18 мақала, 1 инновациялық патент және 1 алдын ала патенттің авторы.